【明報專訊】Tyson Yoshi（程浚彥）前晚出席活動，對於被發現與吳家忻（kayan9896）互相取消關注彼此個人社交平台，Tyson Yoshi不願多談，「呢個人唔回應，費事啦！過咗去了，我好少係咁，咩都講，但又唔係怯，唔講啦！一世都唔講」。談到早前獲邀到學校，親身回應學生圍觀他的座駕車身粗口拉花一事獲讚，Tyson Yoshi十分感謝該校開明處理手法，見到校長很chill，小朋友亦很開心，透露會和學校合作，讓小朋友設計圖案在朋友的車身拉花。為何不拉花在他的車身？Tyson Yoshi直認：「因為我肉赤囉。」