【明報專訊】香港非物質文化遺產清單現有480個項目，而吹糖技藝有超過600年歷史，都係香港非遺其中一項。康文署聯同香港社區組織協會，早前安排吹糖藝術家杜煥，向一群來自基層嘅家庭示範及教導點整吹糖。杜師傅好落力向參加者解說，因為其實佢都係來自弱勢社群，年幼時全家移居香港，初來時都係住劏房，家中經濟條件唔好，到𠵱家可以幫助他人，杜師傅都話好開心。