【明報專訊】前財政司長曾俊華呢兩個星期活動多姿多彩，去亞博館睇劍擊賽，又去西九戲曲中心睇音樂劇The Sound of Music。不過，曾俊華都有嘮叨，話同太太帶埋孫女三人行去睇歌劇，大讚演員嘅唱歌水平、水準極高，但場地運作就有問題，佢話佢睇嗰場場地燈光「唔係好聽話」，喺表演中途全場燈光亮起，一直開到尾，好影響現場氣氛，而呢啲咁蝦碌嘅情况佢都係第一次遇到，「話晒過去，我哋都係一流嘅國際大都會嚟嘛」。