【明報專訊】已屆古稀之年嘅社運人士古思堯，早前因抗議區選制度，被判企圖或準備作出煽動意圖行為罪成，𠵱家坐緊監。佢嘅社民連黨友曾健成（阿牛）透露，古思堯喺獄中曾經撼親個頭，要經常進出醫院，到日前先返赤柱監獄繼續服刑。阿牛話探監時見到古思堯面上仲有大塊棉紗同膠布，但身體無咩大礙，精神都算唔錯，多謝外界關心。