【明報專訊】佐敦道華豐大廈今個月10號發生5死40傷三級火，民建聯立法會議員鄭泳舜噚日聯同區議員黨友，同消防處長楊恩健及一眾當日出動嘅消防義工見面，向義工隊致送感謝狀，感謝消防員救火之餘，一眾義工亦喺前線支援居民。鄭泳舜話，火災當日除咗「無名英雄」、街坊、關愛隊及酒店業界外，仲有一眾消防義工隊逐戶拍門確認居民係咪有離開，同時幫遊客同居民搵番重要證件，又安撫居民。