【明報專訊】《2023年產品環保責任（修訂）條例草案》下星期一（22日）實施首階段，禁止商家提供或銷售即棄發泡膠及塑膠餐具。本地環保社企ReCube話，當日起會同中大校園內6間餐廳合作，中大學生及教職員買外賣時，可透過應用程式免費借用重用餐盒同杯，用完唔使清洗，直接歸還到任何一間同佢哋合作嘅餐廳就得，仲可以賺積分換餐飲獎賞。