【明報專訊】垃圾徵費延後至8月1日實施，環保署官員早前向市民解說呢項政策時，解答咗唔少疑問，亦引起過社會討論，包括助理署長胡勁欣（圖）提出嘅地拖棍論，「可以鋸開佢兩嚿放入指定袋」嘅說法就被立法會議員批評不切實際。噚日有網民喺討論區發文，話翻查網上政府電話簿嘅時候發現，呢名環保署官員嘅職位，由早前嘅助理署長變咗首席環保主任，懷疑佢係咪因為垃圾徵費言論被「降職」。