【明報專訊】Emily有唔少朋友噚日突然收到「田北辰」發出嘅手機短訊，詢問接受者對「開徵新稅種以擴闊稅基」嘅睇法，仲叫人按鍵輸入數字選項，表達意見，有人擔心係有毒或詐騙短訊，唔敢按入。Emily向實政圓桌立法會議員田北辰了解，佢證實短訊唔係呃人，確係由佢發出，話噚日開始發短訊，目的係想睇吓大家對加稅嘅睇法，話收集資料係「內部參考」，佢研究後再睇吓對預算案發表咩意見。