【明報專訊】DSE今日放榜，財庫局副局長陳浩濂噚日就返咗母校香港華仁書院同師弟打氣。佢同Emily講，每年都有返去同師弟交流，一方面想了解吓後生一輩嘅想法，同時亦希望分享自己嘅人生經歷同埋香港經濟嘅最新發展，希望對佢哋生涯規劃有幫助。陳浩濂噚日都有同學生講老本行，介紹金融發展，話金融科技同綠色科技係大趨勢。