【明報專訊】中學文憑試（DSE）基本上已考完，唔少學校陸續舉行畢業禮，邀請校友、嘉賓主禮。選委會界別議員陳沛良係1976年香島中學正校第30屆畢業生，噚日就去咗天水圍香島中學2023年度畢業禮。佢致辭時提到愛國者治港，話香島有愛國愛港嘅優良傳統，鼓勵畢業生持續進修、自我增值，鍛煉獨立思考、分辨是非嘅能力；仲話如果同學有志參政議政，可於學成後加入政府、各委員會和公營機構，報效國家及香港。