【明報專訊】上個月去咗土耳其幫手震後救災嘅兩隻消防搜救犬Twix同Umi，已經完成檢疫程序，身體檢查結果好理想，可以繼續執行職務。特首李家超噚日喺facebook出帖，話「宴請」咗Twix、Umi同Umi嘅姐姐Uma到禮賓府，仲以佢哋最鍾意嘅零食招待，以答謝同表揚佢哋喺救災中嘅付出同出色表現。特首並上載影片，可以見到3隻狗狗好黐人，令佢忍唔住話「𧨾到我個心好甜呀」，仲透露以前養過狗，話係一段好開心嘅經歷。