【明報專訊】愛護香港力量前召集人陳淨心喺前特首梁振英（CY）任內因立場挺梁冒起，後來一段時間轉趨低調，Emily近日留意到陳淨心喺網上活躍番，但就狂轟CY同梁營。例如近日CY狙擊獲續約嘅中大校長段崇智，陳淨心月初喺facebook睇唔過眼，話CY同另一前特首董建華前年成立「再出發大聯盟」，都有邀請段校長加入，如果對2019年段校長表現有質疑，「為什麼還邀請他成為共同發起人？」