【明報專訊】中學文憑試（DSE）噚日正式開考，考英文科。油尖旺前區議員朱江瑋話自己全日喺舊屋執嘢，點知搵到張30年前佢第一次考會考嘅准考證，向憂慮緊分數嘅學生分享，「這裏有一位大叔，他差不多30年前，第一次會考英文唔合格，除咗數學之外，全部慘不忍睹，但佢後來仍然入咗中文大學，讀咗個碩士，做過區議員，雖然佢到依家英文都唔好，雖然佢被政府DQ咗冇得服務巿民，但係佢從來都冇放棄過，仍然活得磊落而自在，咁樣會唔會令考緊DSE嘅你，有一點安慰？」