【明報專訊】農曆新年就快到，疫情關係，上門同老友記拜年可免則免，3名南區區議員袁嘉蔚、黃銳熺、陳衍冲噚日響應創新義工平台「社職」嘅呼籲，足不出戶都可以做義工，用手機拍片為長者送暖，3個一齊跳來自泰國、早排大熱嘅「螃蟹舞」。袁嘉蔚將條片上載facebook，見佢動作流暢跟足拍子，但兩名男生就顯得有啲生硬喇，不過都獲網民留言大讚可愛，亦有網民問：「𠵱家做區議員要咁多才多藝咩？」