【明報專訊】DSE歷史科試題考到近代中國史，令到大家呢兩日對中國近代史料突然興趣大咗，《毛澤東外交文選》噚日就成為網上熱門選讀材料，有人引述文章話，偉大領袖都曾要「感謝日本皇軍」，因為侵華，令中國人醒覺，指毛澤東又話如果無日本侵華，共產黨唔會壯大，「也就沒有共產黨的勝利」。有記者噚日問教育局長楊潤雄點睇《毛澤東外交文選》，會唔會話毛主席傷害中國人民感情同尊嚴，要唔要都「深表遺憾」同「予以譴責」。