【明報專訊】噚日係JUPAS聯招結果公布大日子，之前唔少學系都宣布因反修例運動取消迎新營，但都有學系繼續搞，好似浸會大學傳理學會噚日喺facebook發帖文話，繼續搞迎新營之餘，其間仲會帶新生去近日發生過示威活動嘅地方，以輕鬆方式重塑事件，加深新生對社會局勢嘅了解；若迎新營期間有合法示威活動，仲會帶有意參加嘅新生一齊為不公義發聲。學會希望咁做可教育下一代之餘，又支援到社運。