【明報專訊】民建聯25周年會慶，唔同支部都辦慶祝活動，噚日就喺荃灣愉景新城商場舉行會慶嘉年華，向小朋友派吓氣球咁。工黨趙恩來就質疑，愉景新城嘅發商展新世界集團，違例出租公共空間畀民建聯，話地政總署早前已證實，有關位置屬於未補地價嘅公共空間，除非取得政府部門豁免許可，否則唔可以出租畀商業機構。佢質疑民建聯係商業註冊有限公司，新世界涉嫌違規出租有關公共空間。