【明報專訊】曾經登上珠穆朗瑪峰，又征服有海上珠峰之稱嘅「西北航道」，香港機電工程師朱棋端今年4月繼續揸住佢架帆船「探索鷹號」，開始第二次海上旅程。由愛爾蘭出發，經歐洲西岸入地中海，喺埃及入紅海，仲去過出名多海盜嘅索馬里海域，航行超過30個地方，完成環球之旅，噚日下晝返到香港。朱棋端話以前個人好執著，但去完咁多個地方，同過唔同船員合作，又要成日面對天氣同零件損壞，個人都變得寬容咗。