【明報專訊】立法會交通事務委員會噚日視察沙中線工地，啟德站同土瓜灣站內櫳亦首次曝光，其中啟德站以橙黃色做主色調，有3個出口，分別通往啟晴邨、啟德行動基地以及啟德1號。Emily都有去，見啟德站內設施已經基本建成，但出現疑似「蝦碌」事件，原本A、B出口喺大堂嘅同一邊，D出口喺另一邊，但大堂指示牌就寫咗B同D出口喺同一邊。港鐵職員解釋，大堂仲裝修緊，指示牌未能作準。