【明報文章】六十年代，我讀小學，細細個已經出嚟搵食，每天上學之外，在官涌街市，正職做豬肉檔小工，負責磨刀、送貨，收檔之後，數錢、埋數。父親係豬肉佬，清晨開工，晚飯之後，才是消遣的時候。節目是什麼呢？飲夜茶。一班街市佬，在雲天酒樓吹水。我作童工的報酬，就係「一盅兩件」。大人有說不完的成人話題，例如邊個邊個八婆買餸打斧頭，邊個邊個飛仔撩是鬥非。