【明報專訊】香港大學前晚喺灣仔會展舉行百周年晚宴，場內星光熠熠，當然有唔少選委，絕對係特首參選人拉票嘅好機會。梁振英噚日都有同太太唐青儀現身，仲配合大會主題，打咗條綠色呔到場。話說噚日晚宴尾聲，好多賓客陸續「鬆人」，但梁氏伉儷遲遲都唔走得，事關有好多嘉賓、校友及同學仔要求同佢兩位影相，佢哋就做咗近半個鐘頭嘅「紙板公仔」。